餃子縣餃子專門店 (Closed)

星期六又出嚟搵食，行過花園街肚餓了，見到一間餃子專門店，食餃子梗係要去專門店，叫咗個二人套餐，$128 包括餃子、兩個麵、兩杯飲品。咸檸雪碧，有咸有甜有氣，好好玩的口感，另外我哋叫咗杯豆漿。點了餃子樂園，一共有八粒餃子，呢度食法，選了餃子，步驟二選擇煮法，湯餃太淡口，我們要冰花煎，出嚟個樣又幾好，冰花咁薄，口感脆，八款中只有一款不是豬肉餡料，香菇粟米雞肉，另外七款主要是配菜有分別，椰菜木耳、韭菜、白菜、芹菜、津白、日式紫菜，材料明顯，水餃好。擔擔麵用花生醬調味好似好傳統，不過我唔係太鍾意醬汁的味道，啲麵好似米線。涼拌菠菜麵，用嘅醬汁與傳統上海菜不同，有些酸味，可以話清新，雖然有創意，但我唔算太喜歡。我覺得都係唔好多心，食餃子最好。