甜記餃子 (Moved) New Location

本身間店中午去食會好多人排隊，只好等放工再食。餃子都有分好多款，比較常見既白菜豬肉餃同韭菜豬肉餃。湯底有兩款，雞湯或蕃茄湯。除左餃子仲有其他小食同麵。煎餃可揀兩款，粟米芝士雞肉餃及韭菜豬肉餃。煎餃可以令芝士保留本身味道，唔會被湯底覆蓋，韭菜餃就一向都煎比較好食，香口！小食有醉雞$50﹑麻辣手拍青瓜$22﹑滷水牛𦟌$48，價錢同份量都好公道。青瓜雖然唔夠辣但勝在爽口，新鮮。牛𦟌就不失不過，醉雞酒味唔算好濃，但肉質過得去。湯餃$40/8隻或$44/10隻湯餃揀左蕃茄湯，湯底唔係開茄膏，值得一讚，用蕃茄﹑洋蔥仲有薯仔煲，椰菜冬茹雲耳豬肉餃同白菜豬肉餃。餃子皮薄餡嫩，味道鲜美！