餃掂手工餃子雲吞專門店 (Closed)

朋友係餃子迷，所以特登黎左呢間餃掂會一會佢既餃子。去之前睇左大家既食評，都推介佢既皇牌至尊松茸豬肉餃＋九鼎湯。所以一落單，諗都唔諗就叫左佢。好快就上菜！Ｄ餃子比我想像中大隻同漲卜卜。先冇點醬咬左一啖，咁先試真佢個味啊嘛～　味道好清甜，係有松茸味嫁！餃皮唔會太厚又唔太薄，咬落都有口感嫁！點上佢既醬，可以將Ｄ味更加吊左出黎。飲番啖湯，好清淡，感覺好健康冇味精。可以係覺得食得好Ｄ飽或膩時，飲番啖清番個胃。淨係叫個至尊餃梗係唔覺飽啦！我地仲叫左個白菜煎餃。外表煎得金黃，不過呢個既好味度就唔夠至尊餃勁，可能前者太優秀啦～味道不過不失，不過勝左夠多餡，相對會飽肚Ｄ～呢個四川涼麵，份量就較少，不過以價錢計都尚算合理。佢有些少辣，可能我本人真係唔太食得辣啦。倒上麻醬就可以緩和Ｄ辣味，不過亦唔會令你有太大驚喜既麵。最最最最令我覺得驚喜既反而係佢既伴菜：酸蘿蔔！！！佢真係好好食啊！！！！夠酸夠入味！完全食到停唔到口！而且亦有開胃作用！如果食清湯餃既，配上呢個，即刻可以令你既味覺享受多番個層次！同埋已經比較少有店鋪會提供免費小菜比客人食了，完全加分！