餃掂手工餃子雲吞專門店

見朋友係堅尼地城話想食餃子🥟，上網睇完就決定試吓呢間餃子店。鋪面睇落都幾寛落，全部都係四人枱，唔會話好逼咁。落單後，姐姐會送上一碟前菜，係自家製嘅酸蘿蔔，唔會太酸，口落都幾爽身😝，係個唔錯嘅前菜。龍鳳松茸雙灼餃 $86我叫湯餃，一共有八隻，佢會有白松露味同黑松露味，各有四隻。松露醬餡料足，我啖啖都食到松露又香口，配上半肥瘦豬肉都幾好，一個感覺新鮮又矜貴嘅餃子☺️。湯底叫狀元九鼎湯，由粉葛、赤小豆、扁豆，再加鯪魚等材料煮成。係自家屋企煲嘅感覺🏠，我認為粉葛味比較重，飲落甜甜地咁。雙拼煎餃子10隻 $52+5另一碟叫咗雙拼煎餃子，一份係韮菜豬肉餃，一份係芫荽豬肉餃。餃子餡料都飽滿，煎餃外皮香脆，熱辣辣🤓。韮菜餃當然有好香嘅韮菜味，芫荽餃嘅芫荽份量略有調整過，唔似韮菜咁多，所以都容易令人接受，唔怕淨係俾芫荽味搶晒。蜂蜜檸檬薏米水 $20薏米水睇落清清地，其實會飲到佢落咗檸檬汁嘅味道。正正係跟咗蜂蜜🍯，令到成杯嘢甜味較重，不過，佢係一個天然嘅甜味，所以飲落去嘅感覺都幾滋潤。餐廳另外都會提供唔同嘅餃子醬汁，例如菜脯豆豉醬、四川麻辣醬、醋同埋豉油。我就試咗菜脯豆豉醬，都幾辣身🌶。可能本身唔係太食得