Video
Read full review
2018-03-22
1349 views
今天要去旺角中心附近拎新配好既眼鏡，眼鏡未拎到，肚就開始打鼓🥁，因為夜晚約左人食buffet,下午都晤好食太飽，四圍揾緊野食時，見到幾個學生揸住一袋二袋煎餅行過來，上網八卦下，先知有間煎餅店在旺角中心落左戶。我地平時好少來旺角中心，都唔知呢度有野食，商場一樓有好多鋪仔，即系好似葵涌廣場咁，行到最尾，見到有好多人企響度立食，呢度系三四間小食鋪，其中有一間就糸我地見到d學生食緊既「老come煎餅」。原來呢間「老come煎餅」系大有來頭，正如佢店門口招牌所講，系天後月賣萬份煎餅插旗旺角。望下個餐牌，我地揀左個招牌煎餅系列之北京烤鴨，兩人share,買煎餅加豆漿，豆漿就半價，著校服豆漿就免費，晤怪得咁多學生哥幫襯，溶入氣氛，即時令我地呢d老餅回憶那些年的故事比左錢之後就等叫號，在香港要發展呢類小食鋪的確是不容易的，小小店面但好可能好貴租，檔口不集中，聚不到人流，人工水電樣樣貴。同臺灣夜晚唔同，根本冇呢種食街文化。所以我地都好佩服佢地年青人創業的精神鋪頭得兩個人，一腳踢。我地個餅開始做啦，整餅師傅在轉轉枱上攤開一勺面糊，攤平一張皮之後，在上面加左個蛋。再用T形棍將雞蛋均勻鋪在面皮上。熟練的將餅轉
我地平時好少來旺角中心，都唔知呢度有野食，商場一樓有好多鋪仔，即系好似葵涌廣場咁，行到最尾，見到有好多人企響度立食，呢度系三四間小食鋪，其中有一間就糸我地見到d學生食緊既「老come煎餅」。
原來呢間「老come煎餅」系大有來頭，正如佢店門口招牌所講，系天後月賣萬份煎餅插旗旺角。
望下個餐牌，我地揀左個招牌煎餅系列之北京烤鴨，兩人share,買煎餅加豆漿，豆漿就半價，著校服豆漿就免費，晤怪得咁多學生哥幫襯，溶入氣氛，即時令我地呢d老餅回憶那些年的故事
比左錢之後就等叫號，在香港要發展呢類小食鋪的確是不容易的，小小店面但好可能好貴租，檔口不集中，聚不到人流，人工水電樣樣貴。同臺灣夜晚唔同，根本冇呢種食街文化。所以我地都好佩服佢地年青人創業的精神
鋪頭得兩個人，一腳踢。
我地個餅開始做啦，整餅師傅在轉轉枱上攤開一勺面糊，攤平一張皮之後，在上面加左個蛋。
再用T形棍將雞蛋均勻鋪在面皮上。
熟練的將餅轉圈反轉。令餅皮夠均勻厚度。
又用刷子塗一層面醬。繼續旋轉令醬均勻擦在面皮上。
一邊塗醬一邊轉。
直到均勻塗好。
又在上面撤一層切好的蔥花同青瓜條，香菜。
在上面再加一層准備好既北京烤鴨丁。
在包起前，加上一塊脆脆油渣餅。
好了，可以包起，三下五除二，將兩邊餅皮向中間折起。
用鍋鏟輕輕一壓兩頭，即刻封好個型。
最後兩頭折起，變成一個正方形。
鏟起入袋，裝袋叫號。
就咁樣，我地接過新鮮滾熱辣的煎餅。
北京烤鴨煎餅
$38
41 views
0 likes
0 comments
咬一啖咔咔聲，面皮的Q感加上油渣餅的香脆形形鲜明對比，味覺十分豐富。面醬包住既北京烤鴨很軟滑，好好味伴有香菜蔥的調和，食到青瓜的flash。不過提得一提既糸，真的要新鮮熱辣食，如果攤凍左，應該就唔好味了。
北京烤鴨煎餅
$38
35 views
0 likes
0 comments
豆漿原價7蚊，套餐半價3.5。呢個輕食都唔錯吖，學生記得著校服來吖，豆漿免費。
我地兩個share一份好明顯不夠，哈哈，下次會再來食。
Post
