養心殿台式養生鍋 (Closed)

今日同朋友喺尖沙咀附近搵嘢食，早前聽朋友講養心殿打邊爐唔錯，於是提早book咗位喺尖沙咀養心殿食。 外面裝修好有特色，入邊裝修就好中式，有紅紅嘅燈籠，同好有中國特色嘅屏風去分隔開唔同枱，枱同枱之間都有距離，坐得幾舒服。 我哋叫咗個養生鍋，另外叫咗極上雪花肥牛，之後叫咗蟹子墨魚滑，什錦蔬菜盤，洞庭烏龍麵，同闊條麵。 過咗一陣所有材料同埋個鍋都到咗，啲嘢食嚟得好快。 個湯底入面有好多材料，入邊有人參，杞子，有豆腐，入面仲有豬紅同埋幾款唔同嘅藥材，個湯底有藥材味，同埋有啲肉味，味道唔錯。 極上雪花肥牛，味道不錯，牛肉好新鮮，另外蟹子墨魚滑都好好味。