Video
Read full review
2017-07-24
60 views
今日去信和見完個客，順便喺銅鑼灣食埋個 lunch 先返公司。諗住是亘食翠X攪掂算，比我經過呢間個招牌幾得意嘅 Noodleholic，就一於入去試吓。因為12:00都未夠，好彩都未有好多人，我一坐低就比佢個口水🐓手擀麵吸引住，二話不說就嗌咗份。口水🐓嚟先，D雞好大件，仲有D🥒墊底，都幾大份。雞好滑，肥而不膩，辣味夠晒，又香又麻。特別之處係加左豆豉，香味更加有層次，真係唔錯。個手擀麵嚟啦，我冇諗過咁大窩！一嚟到就聞到好勁嘅藥膳味，我問侍應，佢話係用咗莎參、玉竹、當歸同杞子煲成，唔怪之得咁香！啱晒我呢D鍾意食辣，又成日話要養生嘅港女！D麵都好彈牙，手擀嘅真係唔同。加埋D黑木耳、椰菜同大葱真係好鮮甜，成窩比我食晒。我食到咁上下都陸續有人入嚟，五六十蚊有咁多野食，食料又用心，真係好抵，繼續加油！
因為12:00都未夠，好彩都未有好多人，我一坐低就比佢個口水🐓手擀麵吸引住，二話不說就嗌咗份。
口水🐓嚟先，D雞好大件，仲有D🥒墊底，都幾大份。雞好滑，肥而不膩，辣味夠晒，又香又麻。特別之處係加左豆豉，香味更加有層次，真係唔錯。
個手擀麵嚟啦，我冇諗過咁大窩！一嚟到就聞到好勁嘅藥膳味，我問侍應，佢話係用咗莎參、玉竹、當歸同杞子煲成，唔怪之得咁香！啱晒我呢D鍾意食辣，又成日話要養生嘅港女！
D麵都好彈牙，手擀嘅真係唔同。加埋D黑木耳、椰菜同大葱真係好鮮甜，成窩比我食晒。
我食到咁上下都陸續有人入嚟，五六十蚊有咁多野食，食料又用心，真係好抵，繼續加油！
Post
