發哥粥底海鮮火鍋 (Closed)

今日閨蜜約了我係觀塘食發哥粥底海鮮火鍋，第一次食粥底火鍋，十分期待。呢間餐廳類似茶餐廳格局，晚市只有粥底邊爐幾得意。粥底火鍋源於順德，顧名思義用粥底代替往常的湯底，一邊拾野食，一邊煲粥底，粥水暖胃，且海鮮佐料具有養生進補的功效。龍蝦餐 $288海蟹餐 $248呢個餐湯落足本，花膠雞湯，甘甜，滋補到不得了！👍👍👍前菜有雞爪同青瓜。雞爪夠酸辣開胃，青瓜很爽脆。龍蝦肉質鮮嫩，一D都唔柴，咬落好彈牙😆😆😍 啖啖肉。海蟹同為細嫩，潔白肉色，多膏，肥而不膩。鮑魚、聖子、蜆口感鮮美嫩滑，超易咬。安格斯牛肉牛味重，入口即化👍不得不讚的是最後的粥品，店員細心的幫我們將南瓜芋頭撈起來壓成泥，將粥膽放落粥底，伴著豬潤、牛肉吃，夾雜著海鮮余留的香。回味無窮。