養心殿台式養生鍋 (Closed)

同老公好想打邊爐 又想搵間係將軍澳高質素d 就黎養心殿 地點好方便 將軍澳站假日酒店2/f👍🏻佢湯底都有好多選擇，全部都好吸引。我地最後選擇左酸菜白肉同埋寧神養心鍋🤤寧神養心鍋入面好足料，有魚又有烏雞，藥味唔會太重但好有養身既感覺。佢酸菜白肉鍋仲會免費另外再加送多一碟酸菜白肉，佢既白肉口感超好，有得免費送多一碟，正👍🏻佢有醬料區自助加醬料，我最鐘意莞茜同蔥，所以我直接問服務員拎左多個碗去加配料。我地另外叫左蔬菜盤，日本金菇，所以蔬菜都新鮮洗得好乾淨。睇佢擺盤都好吸引。牛肉我地就選擇左極上雪花肥牛，牛肉上雪花十足，食落軟身好易咬開，又好有牛味。我地叫左半份蝦丸同埋水蓮餃，蝦丸好彈牙，又有蝦味，配落個養心湯好好食。 水蓮餃我第一次食， 佢個皮唔會太厚有qq感，慘了有少少爽脆，感覺清新。本人好鐘意食蠔，所以當然唔少得日本蠔，d蠔好大隻，正👍🏻店員服務好主動，加水加湯都會留意到。餐廳環境好有特色，價錢適中。7點前結賬離座有半價優惠（現金付款），8:30前結帳離座或9:30後份座現金付款有7折，信用卡有72折。