養心殿台式養生鍋 (Closed)

一直都聽過有朋友介紹呢間 自己本身又中意食養生鍋 去台灣都一定會食 所以就決定黎試下啦！佢同台灣既火鍋餐廳都一樣 係單點咁叫既 唔係港式任食邊爐~ 養生既我地當然揀左養生鍋了☺️係等緊個煲同野食既時候 我地見到有promotion 做緊 係Facebook 打卡就有野飲 我地四個人打完卡 成jar咁比我地🤣呢個就係美人鍋 佢真係有成隻雞係𥚃面煮 重有其他養生料 參 圓肉 杞子之類 就咁飲左一啖都已經覺得好清甜同足料💁🏻‍♀️因爲朋友無肉不歡既 所以我地嗌左兩碟牛 見到手切牛肉係每日限量 就即刻點左先 再加一碟極上雪花肥牛 試下個分別極上雪花肥牛 朋友中意呢個多啲 因為佢雪花分佈好平均 油脂分佈多啲 食落會嫩啲口感較佳💁🏻‍♂️但我就中意手切牛肉多啲 因為佢牛味重啲 食完好有滿足感 💁🏻‍♀️即炸脆響鈴最岩吸埋啲養生湯一齊食 好夾 🤤炸午餐肉 佢切得好厚 唔似出面任食個啲 朋友重直接食添 😂餃子拼盤一共有六款 每款兩粒 次次都好似抽獎咁😂但全部都足料既 真係有成隻蝦係𥚃面😋雜錦蔬菜盤 咩菜都有 唔洗怕太寡~