橫浜街場 (Closed)

早前去了旺角同朋友打邊爐，位於彌敦道726號7樓的［橫浜街場］🍲🍲餐廳環境寬敞，有電視機，落地玻璃窗更可以望到外面街景。餐廳提供多款任食套餐，我地揀左海鮮木桶餐，湯底係花膠螺頭雞鍋。有大大件花膠，湯係奶白色，非常清甜用左特製木桶的火鍋將湯過濾，一點都唔油膩好少打邊爐會忍唔住飲碗湯先😅😅先來了海鮮拼盤，每人一份，有龍蝦、廣島蠔、大蝦、象拔蚌、刀貝，好豐富！當中以龍蝦最吸引，新鮮彈牙魚皮、響鈴、墨魚滑釀油炸鬼我地都係第一次試依個食法，幾特別，不過油炸鬼淥過就變得太腍身。各種手工丸、餃，設計幾有心思，唔會用現成急凍貨。手工丸有安格斯芝心牛丸、西班牙豚肉黑松露丸、炸蝦乾墨魚丸，當中黑松露味道唔係好突出，牛丸彈牙！餃類更是少見之款：韭菜餃、芫荽餃、西洋菜餃，味道非常濃，皮亦夠薄！另外有一碟西班牙黑豚肉，肉質爽口軟腍，不過只限一碟，再追加就要加錢喇！食到咁上下都飽左七八成，其他配料肉類、蔬菜仲可以無限追加，我地都只係食多碟菜同烏冬就飽哂！飲品除左汽水、茶，仲有啤酒任飲！最後店員眼見我地食到咁飽，仲好貼心問我地要唔要甜品，當然要啦！係牛奶布丁