哥哥添飯•妹妹泡茶

Open Now

Now Closed

首先要讚一讚嘅係，呢間店雖然係火炭工業區，但店員個個都好親切友善，服務態度真係好過好多連鎖店。第一印象已經好好👍🏻👍🏻至於飲品方面，有好多自創飲品，亦有健康養生類飲品，價錢亦親民。見到有女性養顏恩物桃膠已經好想飲，今次天氣太熱，我就飲左呢個凍嘅桃膠烏龍奶茶，只係$28。味道似珍珠奶茶，但以桃膠代替珍珠，更養生呢☺️☺️而且份量都唔少架。烏龍茶亦好有茶味，糖分剛剛好，我叫左少冰都唔會太甜太膩。店內仲有好多台式料理、小食，仲有煎蛋餅😍😍 今次食左飯，下次一定會試下，再話俾大家知好唔好食！