養心殿台式養生鍋 (Closed)

因為有屋企人唔食得辣，所以我哋叫咗個雙拼鍋，分別係麻辣鍋拼養生鍋。咁就可以一次過食辣同唔辣嘅湯底，符合返唔同人嘅口味。養心殿有好多唔同種類嘅手工丸。因為太多選擇，而我哋又想試晒全部，所以好聰明咁叫咗手工丸類拼盤，咁就可以每一種都是到啦！另外，推薦埋自家製韭菜餃比大家，因為佢哋好大隻，啲韭菜好足料。貪玩嘅我哋仲叫埋芝麻湯圓，個芝麻湯圓係冰凍嘅，所以要放埋落個湯底到煮熟佢。雖然個湯底係鹹嘅，湯圓係甜嘅，但係食落唔覺得怪，覺得好新奇有趣！