杏甜品 (豉油街) (Closed)

慵懶的星期日下午時光是嘆甜品嘅最好時間，旺角呢間「杏甜品」係一個好選擇。小店座位不算多，裝修以薄荷綠為主色調，環境舒適乾淨。佢系間杏仁類甜品專門店，近期又推出咗木蓮凍新品，夠晒吸引。新鮮現製嘅杏汁底甜品不會太甜，滋潤又養生。杏汁波波爽冰木蓮凍💰65HKD木蓮凍口感輕盈爽口極似涼粉凍，加入彩色Q彈嘅迷你4色小芋圓，同埋口感超有爆爆珠感嘅青鑽，夠晒特別！呢個甜品非常適合係夏天享用。椰皇貓山皇燉雙皮奶💰75HKD呢款甜品好多人都會點，雙皮奶嘅口感好滑順，而且加入咗椰漿同椰肉，味道更香濃。另配一球貓山皇榴槤雪糕，杏汁底不算甜，但杏仁味突出好香濃。