醉藥雞 (啟志樓) (Closed)

有時食得多煎炸油膩嘢，都會想食返餐健康啲。呢度就主打砂窩生滾麵，每款湯底都以多種食材熬製，夠晒養生▪️砂窩雞湯翅個砂窩上枱嘅時候，啲湯仲冒緊泡出緊煙，好辣手，要小心啲唔好掂到。湯底鮮甜，冇添加味精。雞肉都好多嚿，同埋唔會話得骨冇肉，肉質就好嫩滑。翅就普通啲，但都有唔少，唔係得幾條。麵底揀咗粉絲，好索湯▪️醉鵪鶉蛋酒糟味濃，而桂花帶少少甜味。鵪鶉蛋好入味，仲有好多粒添▪️麻辣豬耳豬耳爽口，麻辣幾惹味，不過醉小食出色啲醉藥雞📍荃灣路德圍8號啟志樓地舖📍深水埗福榮街103號地舖