魚樂一番 (Closed)

放假同朋友過去黃埔，發現呢間喺黃埔地鐵站附近既高質麵店，佢同出面既麵店好唔同，用料好高級，有花膠、海參呢啲貴價食材，但係價錢就好親民。佢呢度既環境亦都好好，坐得好舒服。花膠嫩雞鍋麵 $58太誇張啦，五十幾蚊一碗麵竟然有大大塊花膠，好足料啊！岩哂女仔食，補充骨膠原，皮膚都好啲。佢配麵好清，完全唔會有出面普通店舖既味精味，感覺好健康！魚樂一番海味泡飯 $68呢個泡飯就更加正，入面有花膠、海參、香菇、竹笙等等。佢亦都落左芫茜，令到成碗泡飯超級香！出街食得唔健康既野多既話，絕對要定期過黎食下呢啲養生料清清腸胃。冬菇蟲草花響蜾燉花膠湯 $50呢個湯就更加正，好濃郁！啲料多到滿出黎。除左野食，呢度既野飲亦都貫徹左健康既主題。