好茶養生 (MOKO新世紀廣場) (Closed)

#太子 #旺角🚶‍♀️行下行下等人放工, 行到入 Moko Pop 內有好多小舖, 睇睇下花茶發現原來有得即場買嚟飲, 仲兼營蛋糕, 坐下慢慢等! 🥰開放式茶飲店, 清雅開揚, 雲石配色, 簡潔明亮! 🍎蘋果美顏茶 $36 ~ 美容養顏、健胃消積! 睇見啲字就決定要飲啦, 大大片蘋果乾, 濃濃的蘋果甜味, 花香滿滿的! 🍵皇牌氣血茶 $38 ~ 理氣散瘀、暖宮驅寒! 有桂圓、紅棗、千日紅、康仙花、冰糖、金盞菊、玫瑰、黑枸杞, 既然係暖宮, 當然熱飲比較適合! 滿滿的花香味, 唔太甜, 好舒服! 呢度飲品份量頗大杯!🍓士多啤梨千層批 $48 ~ 獨立包裝, 乾淨衛生! 千層酥皮烘得香脆,  滿滿的牛油香! 中間夾上士多啤梨吉士, 好香滑, 唔太水甜, 滿滿的士多啤梨味, 味道清新! 🌹玫瑰荔枝慕絲 $48 ~ 外形已經滿分, 淡雅粉紅色, 玫瑰花形狀, 高高的打卡度! 一切開, 外層薄薄的一層朱古力脆皮, 海綿蛋糕餅底, 中間夾上一層玫瑰味果凍啫喱, 酸酸甜甜, 粉紅色荔枝慕絲好幼滑, 淡淡的清香, 層次豐富! 🍴蛋糕內附小叉子, 食用方便!