盈記四季養生麵館

Open Now

Now Closed

午餐想食碗麵，經過灣仔見到一間養生麵店，就入去試吓，店鋪唔大，裝修簡單撲實。再睇餐牌，有幾款湯底供選擇，例如：藥膳雞湯配農場雞、番茄湯、叻沙湯底配肥牛或肉丸等，好多選擇！✨藥膳農場雞桃膠養生湯✨雞湯係用上多種藥材、三黃雞熬製而成。雞腿肉質嫩滑，湯底鮮甜帶有少許藥材味，除咗雞件還有桃膠和木耳等，真係好養生喎👍✨鮮茄肥牛湯粉✨番茄湯係用新鮮車厘茄、番茄以及其他新鮮蔬菜熬製，營養豐富又好味，再配以鬆化嘅肥牛，湯底酸酸甜，好好味！✨葯膳浸雞腳✨雞腳好腍滑，又有些藥材味，入囗即有融化嘅感覺，好食😋