尚鮮海鮮料理 (Closed)

呢度大廈有好多唔同嘅食肆，同朋友喺度任揀一間，結果選擇咗呢一間尚鮮～ 以為打邊爐都會係「佬」啲嘅格局， 但原來佢係行日式嘅～😊打邊爐當然唔少得要點嘅醬汁啦！呢度有好多選擇，總有一種啱口味！一睇menu超級驚喜， 多湯底選擇之外， 仲俾我見到有養生湯！川貝海底椰燉鱷魚排湯～ 一鍋燉湯佢會先畀客人飲， 飲完湯之後， 會盛起裏面嘅湯料 ， 裏面有雞、豬、鱷魚肉 亦都有川貝、海底椰，見到佢真材實料， 真心歡喜 ！再之後就會加豬骨上湯 ，作打邊爐之用！刺身四式～ 當中要highlight嘅係帶子！ 巧妙地用檸檬帶起帶子嘅鮮味，口感清爽，用嚟開胃啱哂！五味豚拼盤～ 有五種豬製品， 放喺個靚靚盤上面，非常吸引！ 當中有豬紅 豬肉片、 腸豬皮、 豬皮、 豬腎，各式其式任君選擇！ 豬肉片肥瘦參半，合符完美比例，而豬紅一啲都唔腥！百花釀油條～ 用蝦膠釀咗落油炸鬼度，新鮮炸起脆卜卜！脆響鈴～ 非一般來貨嘅貨色，比較粗身大條！羽衣甘藍～ 呢個菜都係superfood ，有益好味，有得點呢個菜，絕對係啱曬我！ 菜最容易吸曬啲湯， 食落特別好食！脆鯇魚、脆骨腩～ 一向都鍾意食魚， 有啖啖肉嘅， 亦都叫咗有骨嘅！