老鍋台式火鍋 (京都廣場) (Closed)

之前都有同朋友食過老鍋，覺得佢地湯底唔錯，特別係美人雞同酸菜白肉鍋我都幾欣賞。咁岩屋企人都幾鐘意養生鍋，所以趁今日放早同佢地食下。由於上次個美人鍋真係相當唔錯，有成隻烏雞咁濟，所以今次都叫翻，湯底係白色，成個魚湯咁，真係好濃味下，有啖啖雞味。叫左份美國特級牛肋肉，份量足，仲好新鮮，成盤都鮮紅色咁，好吸引，重牛味，唔會太un都算嫩。另外都叫左個花雕醉雞，估唔到都好重花雕酒味，有驚喜喎。最後都叫左d餃類拼盆，粒粒都好飽滿，滿足。仲叫左豬肉丸蝦丸，整體黎講質數都相當唔錯，價錢中等價位。Btw門口仲有天燈位，可以寫下d祝福。