Video
Read full review
2019-01-08
658 views
火鍋真係百食不厭，每當諗唔到想食咩，就會諗起佢呢度嘅特色係供應養生湯底， 配料加入多種藥材，補而不燥! 依加仲設有雙拼湯底，以較高價錢湯底收費，同一時間可以試到2款湯底，照顧到同枱食辣或唔食辣嘅朋友!黎得台式火鍋店，食返個麻辣湯底好正常吧! 麻辣鍋以多種香料及藥材，辣度任你選，滾起時D麻香味湧出黎，特別加入鴨血及凍豆腐， 點選雙併湯底仲加送多一份鴨血比你，份量都唔少架! 呢度嘅鴨血口感真係超嫩滑，就似食緊啫喱咁，仲唔會一夾就散開，真係食咁多次都無令人失望，配麻辣湯底真係鬼夾! 唔食辣嘅友人可以食呢邊，鮮白色湯底嘅寧神養心鍋 ($168)， 以川芎、 白芷 、天麻、 當歸、 鮮鷄、 豬肉及鮮魚淆成，滾起時已聞到好香藥材味! 未食先飲頭啖湯，飲落好香藥材味，但又唔會過濃，入口舒服又好味呢!"湯渣"有竹絲鷄及魚頭, 今次呢個魚頭真係好大個，侍應話要煲耐少少，食時肉質烚完都仲係咁滑; 另外由於個魚頭煎香左，一D都唔腥, 魚雲又夠多， 煲到D骨都腍晒， 證明真係長時間淆成! 以魚及鷄肉煲成嘅湯底，唔鮮甜都騙你啦!"LIKE佢Facebook及打卡仲有無酒精類飲品一杯請你飲" 呢個優惠仲
呢度嘅特色係供應養生湯底， 配料加入多種藥材，補而不燥! 依加仲設有雙拼湯底，以較高價錢湯底收費，同一時間可以試到2款湯底，照顧到同枱食辣或唔食辣嘅朋友!
黎得台式火鍋店，食返個麻辣湯底好正常吧! 麻辣鍋以多種香料及藥材，辣度任你選，滾起時D麻香味湧出黎，特別加入鴨血及凍豆腐， 點選雙併湯底仲加送多一份鴨血比你，份量都唔少架! 呢度嘅鴨血口感真係超嫩滑，就似食緊啫喱咁，仲唔會一夾就散開，真係食咁多次都無令人失望，配麻辣湯底真係鬼夾!
麻辣湯底
41 views
0 likes
0 comments
唔食辣嘅友人可以食呢邊，鮮白色湯底嘅寧神養心鍋 ($168)， 以川芎、 白芷 、天麻、 當歸、 鮮鷄、 豬肉及鮮魚淆成，滾起時已聞到好香藥材味! 未食先飲頭啖湯，飲落好香藥材味，但又唔會過濃，入口舒服又好味呢!
寧神養心鍋
33 views
0 likes
0 comments
"湯渣"有竹絲鷄及魚頭, 今次呢個魚頭真係好大個，侍應話要煲耐少少，食時肉質烚完都仲係咁滑; 另外由於個魚頭煎香左，一D都唔腥, 魚雲又夠多， 煲到D骨都腍晒， 證明真係長時間淆成! 以魚及鷄肉煲成嘅湯底，唔鮮甜都騙你啦!
"LIKE佢Facebook及打卡仲有無酒精類飲品一杯請你飲" 呢個優惠仲有，當然要拎個電話比個LIKE先啦! 呢杯咸檸七輕鬆到手又到口!
落好火鍋配料單就正式進入拾下拾下時間
先黎一客御選梅花豬 ($118)，肉色靚仔，片薄後捲成一圈圈，份量幾對眼!
御選梅花豬
14 views
0 likes
0 comments
由於係薄片關係，雖然係豬肉但都無需烚好耐，入口肉質幾滑，無咩脂肪，亦無豬肉嘅豬臊味
餃類點了自家製極品水餃 ($42/半份)， 每隻都肥嘟嘟，烚完都成隻匙更咁大隻，有成隻蝦及木耳豬肉作饀料，皮薄餡靚!
自家製極品水餃
14 views
0 likes
0 comments
丸類有我至愛墨魚丸 (半份/$40)，唔係太大粒但入口超彈牙，好味!
想食脆炸野但叫響鈴又怕食唔晒，取而代之係呢客台灣炸豆皮 ($38)，一客3件，將佢放入湯幾秒就食得，邪惡得黎但好味!
台灣炸豆皮
12 views
0 likes
0 comments
曾經聽過人話用冰菜打邊火爐係好過癮，呢度有台灣水晶冰菜 ($78)
台灣水晶冰菜
21 views
0 likes
0 comments
冰菜生食都可以，用黎火鍋只需烚幾秒就食得，一條菜兩種口感 : 莖幹位爽清脆，一咬水份爆出黎; 葉就變得嫩滑同清甜，果然神奇又好食!
壓軸出場 :寬粉條 ($38)係我每次黎都必叫嘅，放入籃烚至透明色就食得，快過煮個即食麵，口感煙韌，加少少寧神湯及芫茜，單食都可以成碗食晒!
今餐又係滋味同滿足，呢間台式火鍋店，係得嘅！！
Post
