酒筷子 (Closed)

網上食評見大部份人都係點嗰幾味菜，我哋都跟着叫 😝 前菜那個茄子係好食嘅，不過份量好似少咗啲。跟住第二味嘅就係雞，就係今晚最好食！四個人叫咗半隻啱啱好，食晒所有雞皮！雖然好邪惡但真心欲罷不能👍 之後就係豆腐羮，好飲！底下嘅旦亦都蒸得啱啱好唔會太老。簡簡單單嘅蒜蓉菜啱胃口；但係如果同時間可以上兩個菜或者三個菜會好啲⋯⋯因為感覺好似食完一碟再一碟。之後係媽媽讚不絕口嘅淮楊州炒飯，好食！留意到餐廳用嘅餐具都好重手，有些少替洗碗工慘；每一隻碟都好鬼死重 😜 最後係安格斯慢煮牛肉，可能食到最後啦所以都有少少飽，一碟八件四個人啱啱好，最後係晚市送嘅十勝紅豆砵仔糕very good。我嘅建議就係你去到先點咗安格斯牛（如果你想食呢個）跟住等廚房開始整大約10零分鐘先至嗌其他餸會好啲⋯⋯總括嚟講食得開心，成間餐廳所有餐具都好乾淨，食得好舒服。唯一缺點就係要上一條樓梯先至去到餐廳有啲老人家可能未必上到去 😅