鴨仔冰室 (Closed)

今日黎觀塘做野，順便收工系附近覓食，鴻圖中心好多餐廳選擇，呢間行懷舊風格既鴨仔冰室，吸引左我地入去。加5蚊轉配餐湯今日餐湯係羅宋湯，飲落去好驚喜，係將所有材料打溶咗嘅羅宋湯，飲落好滑！上台兩分鐘已經被我ko曬碗湯，男朋友仲話我飲咁快既？😂😂鐵板西冷牛排配薯條$128西冷牛排係以炭烤的處理方式做的，份量超大，食落非常美味及幼嫩，牛味突出。鴨仔鐵板什扒$128用料亦非常豐富，有牛扒、豬扒、雞扒同司華力腸，仲有椰菜紅蘿蔔等等，份量十足，食肉獸一定要試！塊塊扒都有手掌咁大，認真誇張。