Video
Read full review
2023-09-07
394 views
Lunch set : 三文魚菠菜意粉 $105，沙律+咖啡 $36，加一= $155🥗 沙律：量少，主要係生菜碎🍝 三文魚菠菜意粉：量ok，剛到時唔覺有煙，撈起時好多煙，應該係叮熱的！三文魚少、過熟到"鞋"，菠菜竟然有多條約2吋長的菜莖，由於比較韌，要挑晒出來分開食，否則唔知點先至可以在口內同意粉分開吞，前所未見！☕️咖啡：只落少少奶，成杯咖啡白晒，原來係奶精！我最怕多奶咖啡！不如原裝小膠盒上，好過放在器皿扮鮮奶/cream！以前在港島試過這品牌咖啡店已覺得麻麻，而這店價錢貴，平時亦唔多客，所以無諗過試，但上月有一日因趕時間才光顧。唔想花時間用手機落單，問中年女服務員可否幫忙寫，佢高聲話 "你講吖、你講吖"，我便說唔好意思，佢無回應，似乎一而再表示不滿。其實在不同食肆見過食客這樣要求，服務員都立即幫忙，這位服務員好似覺得我令佢做多咗嘢。物無所值、食得唔開心，一次都厭多！
三文魚菠菜意粉 $105，沙律+咖啡 $36，加一
= $155
🥗 沙律：量少，主要係生菜碎
🍝 三文魚菠菜意粉：量ok，剛到時唔覺有煙，撈起時好多煙，應該係叮熱的！三文魚少、過熟到"鞋"，菠菜竟然有多條約2吋長的菜莖，由於比較韌，要挑晒出來分開食，否則唔知點先至可以在口內同意粉分開吞，前所未見！
☕️咖啡：只落少少奶，成杯咖啡白晒，原來係奶精！我最怕多奶咖啡！不如原裝小膠盒上，好過放在器皿扮鮮奶/cream！
以前在港島試過這品牌咖啡店已覺得麻麻，而這店價錢貴，平時亦唔多客，所以無諗過試，但上月有一日因趕時間才光顧。
唔想花時間用手機落單，問中年女服務員可否幫忙寫，佢高聲話 "你講吖、你講吖"，我便說唔好意思，佢無回應，似乎一而再表示不滿。其實在不同食肆見過食客這樣要求，服務員都立即幫忙，這位服務員好似覺得我令佢做多咗嘢。
物無所值、食得唔開心，一次都厭多！
Post
