Video
Read full review
2021-11-29
100 views
早前上網見到有媒體介紹呢間以Waffle為主食嘅餐廳，所以訂咗位Lunch去食餐廳環境都幾闊落，室外都可以坐(可以帶埋寵物)，播嘅歌都幾有氣氛！但咁啱有幾個位置都會俾太陽直射，我就坐室內嘅位置，我對腳就長期被曬住，但自己著長褲就廢事調位。如果介意嘅訂座嘅時候記得同店員講聲！佢哋有假日lunch嘅餐牌分A同B Set，只係B Set比A Set多一份甜品。前菜我揀咗凱撒沙律，煙三文魚份量適中，但撈勻後食覺得過鹹，但沙律菜係新鮮嘅主菜我就揀咗炸雞窩夫(窩夫可以選擇咸/甜)，我就揀咗咸，真係好後悔，個窩夫好乾身，食落好「確喉」，唔太啱食！相信如果揀甜窩夫應該唔會出事佢另外配咗三個醬汁，分別係他他醬、蜂蜜芥末醬同埋藍芝士醬。個人口味得他他醬係好味，其餘兩個醬都怪怪哋炸雞就唔係一舊舊而係一條雞柳咁，幾香脆食落都好有肉汁餐廳服務同環境都唔錯！但咸窩夫就真係唔係好啱口味，建議大家可以揀甜窩夫啊！
餐廳環境都幾闊落，室外都可以坐(可以帶埋寵物)，播嘅歌都幾有氣氛！
但咁啱有幾個位置都會俾太陽直射，我就坐室內嘅位置，我對腳就長期被曬住，但自己著長褲就廢事調位。如果介意嘅訂座嘅時候記得同店員講聲！
佢哋有假日lunch嘅餐牌分A同B Set，只係B Set比A Set多一份甜品。
凱撒沙律
4 views
0 likes
0 comments
前菜我揀咗凱撒沙律，煙三文魚份量適中，但撈勻後食覺得過鹹，但沙律菜係新鮮嘅
炸雞窩夫
20 views
0 likes
0 comments
主菜我就揀咗炸雞窩夫(窩夫可以選擇咸/甜)，我就揀咗咸，真係好後悔，個窩夫好乾身，食落好「確喉」，唔太啱食！相信如果揀甜窩夫應該唔會出事
佢另外配咗三個醬汁，分別係他他醬、蜂蜜芥末醬同埋藍芝士醬。個人口味得他他醬係好味，其餘兩個醬都怪怪哋
炸雞就唔係一舊舊而係一條雞柳咁，幾香脆食落都好有肉汁
餐廳服務同環境都唔錯！但咸窩夫就真係唔係好啱口味，建議大家可以揀甜窩夫啊！
Post
