Video
Read full review
2007-09-13
9 views
同男友周年紀念，男友神神秘秘上網搵餐廳搵左兩粒鐘，結果搵到哩間係蘭佳芳的Balalaika！平日既關係，唔係好多人。男友話網上Ｄ人介紹必食串燒同麵包，咁我地又試下。結果點左磨菇包，豬肉包，同嘪羅送湯，個湯幾好味，好清！幾中意佢咁煮。兩個包就一般啦，麵包細細但內裡好多肉果種，感覺一般唔係太有驚喜。主菜我地點左必食牛肉串燒，見到有蟹腳又點左。牛肉串燒送出黎時waitor會大叫一句唔知乜，然後就淋酒火燒，都幾得意！好有氣氛，waitor又會叫你一齊拍手掌一齊增加開心指數!佢地攪氣氛幾成功！牛肉串味道好好，好有肉汁，同嘪半生熟做到好準！男友遷就我叫生一點，其實佢食唔到咁生。我個人覺得好好味！蟹腳都做得好出色，幾鮮甜，好味過美麗華某間自助餐既蟹腳添！我地仲叫左兩杯russian飲品，甜甜酸酸幾醒胃。兩個人食完都已經好飽！食飽waitress走過黎話甜品buffet係免費任食家，咁我地叫左souffle同自家制雪糕，個雪糕好好味！值得一試！仲有其它甜品就一般啦，但有得免費食好開心！仲有係個volka冰室任你參觀，著左件大褸入去都覺得好凍，可能我著涼鞋關係！總結係餐廳氣氛唔錯，食物有一定水準，仲有俄
平日既關係，唔係好多人。
男友話網上Ｄ人介紹必食串燒同麵包，咁我地又試下。結果點左磨菇包，豬肉包，同嘪羅送湯，個湯幾好味，好清！幾中意佢咁煮。兩個包就一般啦，麵包細細但內裡好多肉果種，感覺一般唔係太有驚喜。
主菜我地點左必食牛肉串燒，見到有蟹腳又點左。牛肉串燒送出黎時waitor會大叫一句唔知乜，然後就淋酒火燒，都幾得意！好有氣氛，waitor又會叫你一齊拍手掌一齊增加開心指數!佢地攪氣氛幾成功！
牛肉串味道好好，好有肉汁，同嘪半生熟做到好準！男友遷就我叫生一點，其實佢食唔到咁生。我個人覺得好好味！
蟹腳都做得好出色，幾鮮甜，好味過美麗華某間自助餐既蟹腳添！
我地仲叫左兩杯russian飲品，甜甜酸酸幾醒胃。
兩個人食完都已經好飽！
食飽waitress走過黎話甜品buffet係免費任食家，咁我地叫左souffle同自家制雪糕，個雪糕好好味！值得一試！仲有其它甜品就一般啦，但有得免費食好開心！
仲有係個volka冰室任你參觀，著左件大褸入去都覺得好凍，可能我著涼鞋關係！
總結係餐廳氣氛唔錯，食物有一定水準，仲有俄人live band，可以過一個幾relax既晚上，個人認為兩個人去浪漫就唔夠，但如果三五知己去慶祝生日就係非常好氣氛既地方！
Post