Video
Read full review
2024-01-24
44 views
返工返得咁辛苦，梗係要慰勞一下自己啦🤭銅鑼灣有超多唔同種類嘅餐廳，唔想行到腳軟揀餐廳，就Search下附近有咩好食，見到呢間環境好似幾chill 就揀左佢喇🤭-餐廳位於銅鑼灣駱克駅3樓，地點非常便利，地鐵站C出口對面就係👍🏻呢間餐廳係主打西班牙菜 ，當然唔少得有西班牙海鮮飯 ，烤乳豬，西班牙薯仔蛋餅🤤-餐廳有分室內同埋室外，個人認為室內環境感覺比較grand有情調適合情侶撐枱腳🥰室外就相反好似有個大型帳幕然後有啲燈飾同埋火柱，感覺就比較chill同relax ，最適合三五知己聚下摸吓酒杯底🍷幾有feel😎但係我去當日實在太凍🥶所以冇揀坐出面🤣-喺分享嘢食之前 ，要大大力表揚吓餐廳嘅侍應☺️👍🏻🙏🏻服務態度非常好，首先會問你需唔需要推介，之後又會不斷主動幫忙加水，最後離開嘅時候仲會幫忙撳𨋢，真係好細心☺️當晚有幾枱客人都係慶祝生日，侍應送上蛋糕時仲會親切送上祝福☺️-和牛他他 $118 +$38 法包 一上枱嘅時候，個容器震撼到我😯好特別好似一個黑色嘅星球，啱晒鍾意打卡既我🤭味道方面入口感覺有啲似吞拿魚蓉嘅口感，牛肉好新鮮唔會有腥味上面仲配有魚子醬，入面好似有啲酸瓜，有啲洋蔥，配埋個脆脆嘅法包
-
餐廳位於銅鑼灣駱克駅3樓，地點非常便利，地鐵站C出口對面就係👍🏻
呢間餐廳係主打西班牙菜 ，當然唔少得有西班牙海鮮飯 ，烤乳豬，西班牙薯仔蛋餅🤤
-
餐廳有分室內同埋室外，個人認為室內環境感覺比較grand有情調適合情侶撐枱腳🥰室外就相反好似有個大型帳幕然後有啲燈飾同埋火柱，感覺就比較chill同relax ，最適合三五知己聚下摸吓酒杯底🍷幾有feel😎但係我去當日實在太凍🥶所以冇揀坐出面🤣
-
喺分享嘢食之前 ，要大大力表揚吓餐廳嘅侍應☺️👍🏻🙏🏻服務態度非常好，首先會問你需唔需要推介，之後又會不斷主動幫忙加水，最後離開嘅時候仲會幫忙撳𨋢，真係好細心☺️當晚有幾枱客人都係慶祝生日，侍應送上蛋糕時仲會親切送上祝福☺️
-
和牛他他 $118 +$38 法包 一上枱嘅時候，個容器震撼到我😯好特別好似一個黑色嘅星球，啱晒鍾意打卡既我🤭味道方面入口感覺有啲似吞拿魚蓉嘅口感，牛肉好新鮮唔會有腥味上面仲配有魚子醬，入面好似有啲酸瓜，有啲洋蔥，配埋個脆脆嘅法包好夾😋
-
香煎鵝肝多士配甜酸青瓜柚子莎莎 $68/each
哇！塊鵝肝厚到呢🤤煎得好香，入口質感柔滑😋甜甜酸酸嘅醬中和左本身嘅油膩，味道好夾👍🏻
-
慢煮加利西亞式八爪魚 $188
本身叫呢個菜係比Menu張相吸引到🤭八爪魚鬚有種煙燻左既香味，醬汁配有蕃茄蓉同埋蒜味沙律醬，食落口感幾軟身，夾埋個汁一齊食味道幾特別😋
-
西班牙薯仔蛋餅 $98
薯仔同雞蛋都係my favourites ❤️必試😋個蛋餅至少有成5cm厚，外型好結實以為入面會好乾，但係切開入面啲蛋竟然唔老，然後中間既忌廉醬流入去，食落唔會乾，雞蛋入面仲有滿滿嘅薯仔同埋洋蔥好香好好味😋
-
新疆風味醬燒羊架 ＄298
羊架上枱時已經有陣陣嘅烤肉香味🤤平時好少食羊架因為試過食完一啖就頂唔住個羊羶味，今次朋友想食羊又試下先😗個汁有啲似孜然嘅味，食落個羊味好香完全冇羶味，燒既時間剛剛好，咬落有肉汁口感唔會靭，尤其係夾埋羊架側邊啲肥既位一齊食勁邪惡但好好味😋🤭
-
Red Sangría $108
西班牙傳統嘅水果酒🍷紅酒配上切粒嘅水果，好易入口，飲嘅時候仲會食到啲蘋果粒粒，感覺好
fresh完全唔似飲緊酒🤭
-
整體嚟講，餐廳環境氣氛好，食物新鮮好味😋員工服務態度好好，廚房擺盆好有心思☺️👍🏻食物種類又多🤭樣樣都好想試🤣下次要叫多啲朋友嚟一齊黎chill下先🥂
Post
