Piss (華麗閣)

Open Now

Now Closed

本人住附近，知道最近柏樹街開咗間西餐廳酒吧，就約左6-7個朋友去試吓，餐廳最吸引係門口有兩張枱，可以放狗，三五知己傾吓計，飲番杯啤酒，食物質素高，試咗好多野食，燒春雞，羊，德國腸，意粉等等味道分別都唔錯，即叫即做，比一般西餐廳味道更好，特別係蒜香大蝦意粉好好味，🦐好大隻，又係喜出望外，嘢飲方面，我點左兩杯生啤，分別係麒麟同埋IPA，飲落去啤酒好滑，啤酒同啤酒泡比例啱啱好，值得推介👍，餐廳環境舒服，裝修好特別，服務員好有禮貌，好客氣，唯一缺點，餐廳不大，細枱多大枱比較小，有時晚市要等位，其他整體都好好，價錢大約每人$250，食埋飲埋都係2百幾，仲有英超睇。