Video
Read full review
2022-05-05
4503 views
無老鍋係台灣一直都好受歡迎，小弟我都係捧場客之一，去年12月無老鍋終於都登陸咗香港銅鑼灣V Point喇，想嚟食記得要先訂位呀。疫情期間，店員會非常細心地喺食客面前，消毒每個按鈕，令你食得更放心。每張枱嘅兩邊都有USB 充電位，絕對又係加分位。▪️鴛鴦鍋（冰淇淋豆腐鍋+無老辣香鍋）麵包豆腐香白湯鍋係用咗雞骨、豬大骨、洋蔥、青蔥、薑等食材，隨鍋附上每人一粒冰淇淋豆腐，豆腐係加咗啲魚漿同花枝漿而製成，魚味香濃，食落口感綿密又軟嫩，口感特別。店員建議落鍋之後唔好攪避免碰撞，大約煮10分鐘就可以享用。😋無老辣香鍋辣香醇厚，風味獨特，仲加入咗中藥香辛料，同樣係用咗雞骨、豬大骨、洋蔥、青蔥、蒜頭、薑等食材熬製而成，如麻辣味唔夠，仲可以要求店員加麻辣原湯㗎。鴨血同豆腐係可以無限Refill，啱晒鍾意食鴨血同豆腐嘅我。▪️排骨酥 $68平時我食排骨酥都係夜市即炸起嗰啲，呢度嘅排骨酥係台灣直送嚟，放湯煮我都係第一次，原來煮都好食喎，仲帶少少甜味。▪️上選牛小排 $368牛小排嘅油脂分部得好平均，牛味香濃，食完會一塊接一塊。▪️老油條 $68每次食台式火鍋，老油條我都會必點，老油條係台灣直送㗎，放入麻辣湯可以索晒
疫情期間，店員會非常細心地喺食客面前，消毒每個按鈕，令你食得更放心。
每張枱嘅兩邊都有USB 充電位，絕對又係加分位。
▪️鴛鴦鍋（冰淇淋豆腐鍋+無老辣香鍋）
麵包豆腐香白湯鍋係用咗雞骨、豬大骨、洋蔥、青蔥、薑等食材，隨鍋附上每人一粒冰淇淋豆腐，豆腐係加咗啲魚漿同花枝漿而製成，魚味香濃，食落口感綿密又軟嫩，口感特別。
店員建議落鍋之後唔好攪避免碰撞，大約煮10分鐘就可以享用。😋
無老辣香鍋辣香醇厚，風味獨特，仲加入咗中藥香辛料，同樣係用咗雞骨、豬大骨、洋蔥、青蔥、蒜頭、薑等食材熬製而成，如麻辣味唔夠，仲可以要求店員加麻辣原湯㗎。
鴨血同豆腐係可以無限Refill，啱晒鍾意食鴨血同豆腐嘅我。
冰淇淋豆腐
27 views
0 likes
0 comments
▪️排骨酥 $68
平時我食排骨酥都係夜市即炸起嗰啲，呢度嘅排骨酥係台灣直送嚟，放湯煮我都係第一次，原來煮都好食喎，仲帶少少甜味。
▪️上選牛小排 $368
牛小排嘅油脂分部得好平均，牛味香濃，食完會一塊接一塊。
▪️老油條 $68
每次食台式火鍋，老油條我都會必點，
老油條係台灣直送㗎，放入麻辣湯可以索晒麻辣嘅湯汁。
▪️蜂蜜檸檬愛玉 $58
飲品好大杯，都有700ml，味道酸酸甜甜，飲後特別開胃。
蜂蜜檸檬愛玉
$58
39 views
0 likes
0 comments
▪️水蜜桃沙冰
食完火鍋，店員會送上水蜜桃沙冰，蜜桃味都幾香，夠晒解渴，鍾意飲嘅話仲可以免費幫你refill㗎。
水蜜桃沙冰
27 views
0 likes
0 comments
香港店嘅裝潢都大致上同台灣差唔多，食物質素高，用餐環境舒適，服務仲好好添。
Post
