euro go go

Open Now

Now Closed

今次係第一次幫女友小熊D朋友睇風水! 小熊一直都唔多信占卦風水，就算批中佢遇到賊，正正第二日佢就遇到賊! 佢都唔多相信，只係拋底一句 "有咁啱得咁橋開口中啫....".佢唔信我都矛計! 今次係佢同事住係沙田中心，想搵人睇睇風水，見到小熊手袋掛住D風水小飾物，一問之下才知詳情，姻緣際遇下就咁上咗去睇風水.睇完風水，小熊話肚餓，提意去 Eurogogo.Eurogogo 有兩件事難忘，第一係 pizza 可以買半份，第二係我於 open 寫文見意佢地售賣西湯，轉個頭佢地真係出西湯!所以幫襯 Eurgogo 咩都可以唔叫，西湯一定要幫襯.首先要讚一讚沙田哩間分店，餐廳廚房面積細細居然可以出到咁多款菜式，速度又快，抵俾個大讚! 西湯野菌忌廉湯濃郁又熱到辣咀! 飲果時要小心，而用個紙杯裝湯感覺有D奇突.點咗半份 Pizza 名叫"百寶" 餡料有蘑菇辣肉腸菠蘿雞肉茄肉同青椒， 最欣賞係餅底，香脆口感係我杯茶.香港已經唔多餐廳有薯皮供應，Eur 嘅薯皮最緊要點酸忌廉汁，一點上惹味提升，小熊都食到褶褶聲!"喂喂喂! 小熊! 餐飯你未俾翻錢我喎....""做你女朋友唔係應該你請咩!"原來..... 我先