Video
Read full review
2022-11-29
24 views
🌟餐廳：戀 Tsukiau📍地址：尖沙咀北京道12A號太子集團中心6樓💰價位：～$200 - $400⏰營業時間：星期一至日 11:30 - 15:00 / 17:45 - 22:00📱電話：61953727 / 61926965 (Whatsapp)最近好多地方都已經開放咗比旅客入境，今日係公司同同事傾足一日研究去旅行既安排，我地個心已經飛左去日本hahahaha~事不而遲，今晚一於捉埋同事，搵間日式居酒屋食個飯，止止癢先!今晚我地黎左尖沙咀既「戀 Tsukiau」，餐廳以日系和風裝修，更採用大量原木設計，甚具日本傳統居酒屋格調~話明居酒屋，食材種類當然非常豐富，一於大吃一餐先!———————————————————🔹油甘魚鮫豆腐野菜鍋一向我都好鍾意食日式鍋物，有大量蔬菜之餘，湯底亦好清甜~呢度既油甘魚炆得好淋，魚肉超嫩滑，而且魚油滲透整個湯底，搭配豆腐、娃娃菜等蔬菜，索盡魚香魚油味，特別香甜，食完呢個野菜鍋仲好暖胃添!!———————————————————🔹一夜干鹽燒花魚花魚以一夜干形式處理，去除魚肉多餘水分，令魚既鮮味成分濃縮，所以食落更具咸鮮味！餐廳以鹽燒方法，把魚皮烤至焦脆
📍地址：尖沙咀北京道12A號太子集團中心6樓
💰價位：～$200 - $400
⏰營業時間：星期一至日 11:30 - 15:00 / 17:45 - 22:00
📱電話：61953727 / 61926965 (Whatsapp)
最近好多地方都已經開放咗比旅客入境，今日係公司同同事傾足一日研究去旅行既安排，我地個心已經飛左去日本hahahaha~事不而遲，今晚一於捉埋同事，搵間日式居酒屋食個飯，止止癢先!
今晚我地黎左尖沙咀既「戀 Tsukiau」，餐廳以日系和風裝修，更採用大量原木設計，甚具日本傳統居酒屋格調~話明居酒屋，食材種類當然非常豐富，一於大吃一餐先!
———————————————————
🔹油甘魚鮫豆腐野菜鍋
一向我都好鍾意食日式鍋物，有大量蔬菜之餘，湯底亦好清甜~呢度既油甘魚炆得好淋，魚肉超嫩滑，而且魚油滲透整個湯底，搭配豆腐、娃娃菜等蔬菜，索盡魚香魚油味，特別香甜，食完呢個野菜鍋仲好暖胃添!!
———————————————————
🔹一夜干鹽燒花魚
花魚以一夜干形式處理，去除魚肉多餘水分，令魚既鮮味成分濃縮，所以食落更具咸鮮味！餐廳以鹽燒方法，把魚皮烤至焦脆，魚肉保持緊緻juicy，可見師傅燒烤功力一流！配搭檸檬汁同食，更能突顯魚肉既鮮味！
———————————————————
🔹串燒八式拼盤(汁燒)
餐廳既特色招牌菜，串燒即叫即燒，未上菜已聞到陣陣炭香味，令人流哂口水！！
和牛: 肉質鮮嫩Juicy，牛脂味濃
雞肉: 燒既時間岩岩好，肉身保持滑嫩
牛舌: 薄切牛舌質感爽脆有嚼勁，牛味香濃
羊肉: 以特調醬汁燒制，食落一d都唔騷
———————————————————
🔹五花荔枝肉串燒(鹽燒)
五花肉非常肥美，啖啖滿足，配合埋荔枝肉燒制，啖啖果香，亦能中和五花肉油膩感！
———————————————————
🔹雞翼串燒(汁燒 及 鹽燒)
身為雞翼控既我，一於叫哂兩款雞翼haha
汁燒雞翼: 外皮鬆軟，醬汁味完全滲透至肉，味道好濃郁
鹽燒雞翼: 外層香脆焦香，雞肉仍保留肉汁，好惹味
———————————————————
🔹燒小甜薯
口感軟糯，質感幼滑，用燒烤手法更能突顯小甜薯既焦糖香味！
———————————————————
🔹海老野菜天婦羅烏冬
值得一試既菜式~天婦羅粉漿好薄，蝦肉爽彈結實，而且充滿麻油香味，記得即刻趁熱食！烏冬係醬油味湯底，上面鋪滿天婦羅脆脆，係傳統日本既食法，好有風味！
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
好滿足既一餐！
餐廳提供既菜式多不勝數，仲有提供刺身、壽司及各種定食，下次要一大班人再黎先可以試盡咁多種食物！
餐廳除左日系裝修之外，燈光柔和，令人好relax～另外，佢地既抽風亦做得好出色，食完唔會成身油煙味！
仲未出發去日本既你，快d黎呢度食餐飯，感受下先啦haha！
Post
