Video
Read full review
2020-12-24
130 views
🙋🏻♂️餓底探員今日去咗尖沙咀調查呢間cafe🍛膠原滿滿熔岩飯 $98📸表示見到個飯砌到成座山仲要俾滷肉包圍住，個賣相咁吸睛，好有似曾相識嘅感覺，無錯，呢間花香同之前介紹過嘅鳥語係姊妹店，所以兩間嘅食品都好類近🙋🏻♂️表示呢個滷肉飯聞起嚟幾有台灣嘅風味，食落個滷肉好有鹹香，但比一般滷肉飯多汁，而且仲加咗桃膠，食落口有滿滿嘅膠原好有驚喜，完全係另一種風味，視覺同味覺都極具享受🍄🍦🍝原片黑松露雜菌雪糕意粉 $158📸表示似曾相識又豈止個飯，意粉有個雪糕筒逆插喺上面呢間都有得食，雖然個”雪糕”同topping轉咗其他口味，但吸睛程度一樣充滿驚喜🙋🏻♂️表示今次個”雪糕”係黑松露醬加cream cheese，忌廉汁本身已經好香好creamy，食落仲有香濃嘅黑松露味簡直係雙重享受，意粉軟硬適中，口感彈牙，配上原片黑松露，成碟意粉俾”煤氣味”籠罩住，黑松露控一定好鍾意，整體唔錯，係略嫌忌廉汁多咗啲，食晒個意粉仲有好多汁剩低，最後用個雪糕筒蘸埋啲汁嚟食，仲有呢個意粉係純素，vegan都啱食架🍖🌮炸排骨拉絲蛋餅 $78📸表示本身好期待個拉絲效果，但可能影咗好耐，個蛋餅都攤到凍晒，切開咗
🍛膠原滿滿熔岩飯 $98
📸表示見到個飯砌到成座山仲要俾滷肉包圍住，個賣相咁吸睛，好有似曾相識嘅感覺，無錯，呢間花香同之前介紹過嘅鳥語係姊妹店，所以兩間嘅食品都好類近
🙋🏻♂️表示呢個滷肉飯聞起嚟幾有台灣嘅風味，食落個滷肉好有鹹香，但比一般滷肉飯多汁，而且仲加咗桃膠，食落口有滿滿嘅膠原好有驚喜，完全係另一種風味，視覺同味覺都極具享受
🍄🍦🍝原片黑松露雜菌雪糕意粉 $158
📸表示似曾相識又豈止個飯，意粉有個雪糕筒逆插喺上面呢間都有得食，雖然個”雪糕”同topping轉咗其他口味，但吸睛程度一樣充滿驚喜
🙋🏻♂️表示今次個”雪糕”係黑松露醬加cream cheese，忌廉汁本身已經好香好creamy，食落仲有香濃嘅黑松露味簡直係雙重享受，意粉軟硬適中，口感彈牙，配上原片黑松露，成碟意粉俾”煤氣味”籠罩住，黑松露控一定好鍾意，整體唔錯，係略嫌忌廉汁多咗啲，食晒個意粉仲有好多汁剩低，最後用個雪糕筒蘸埋啲汁嚟食，仲有呢個意粉係純素，vegan都啱食架
🍖🌮炸排骨拉絲蛋餅 $78📸表示本身好期待個拉絲效果，但可能影咗好耐，個蛋餅都攤到凍晒，切開咗時拉絲效果不似預期，所以無再影到，係有少少失落
🙋🏻♂️表示蛋餅皮煙韌得嚟唔會好厚仲充滿蛋香，炸排骨好大塊，外層酥脆，內裡軟腍juicy，配上香濃嘅芝士，同個蛋餅好夾好飽肚，如果拉絲效果理想，成件事會更加滿足
📈吃貨指數
😋好味度 8.5/10
🔙返啅度 9/10
Post
