Video
Read full review
2018-04-13
1086 views
半年前朋友嚟香港玩，話想食，我就試咗我人生第一次既一樂。好好食？咪普通既燒鵝囉。服務態度比一般茶餐廳差。唯一好既就係要求全世界搭檯，比我識咗幾個唔同國家既人吹咗2咀。但係佢地對遊客同香港人既態度真係10個差。後嚟朋友再嚟玩話想再食。我今日經過就入去問下通常鵝比幾點就賣完，等佢有心理準備會賣完。點知遇著個聾耳陳（同其他員工吹緊水但係就係無能力聽到你同佢講緊嘢）🙄。跟住問佢上次經過既時候成間鋪吉咗，係咪裝過修嚟，佢話「關你咩事，你出返去！！！」多謝你咁好既服務態度，我發誓我餓死都唔會再去呢間食。又唔係特別好味，服務態度好似我殺咗佢全家咁。我勸各位諗住帶外國朋友去既人千萬唔好帶佢地去影衰香港人。帶佢地去甘牌食燒鵝，或者再興食叉燒。（再興堅好食，同埋服務態度係上一代嗰種，敬業嗰啲快靚正）
服務態度比一般茶餐廳差。唯一好既就係要求全世界搭檯，比我識咗幾個唔同國家既人吹咗2咀。但係佢地對遊客同香港人既態度真係10個差。
後嚟朋友再嚟玩話想再食。我今日經過就入去問下通常鵝比幾點就賣完，等佢有心理準備會賣完。點知遇著個聾耳陳（同其他員工吹緊水但係就係無能力聽到你同佢講緊嘢）🙄。跟住問佢上次經過既時候成間鋪吉咗，係咪裝過修嚟，佢話「關你咩事，你出返去！！！」
多謝你咁好既服務態度，我發誓我餓死都唔會再去呢間食。又唔係特別好味，服務態度好似我殺咗佢全家咁。
我勸各位諗住帶外國朋友去既人千萬唔好帶佢地去影衰香港人。帶佢地去甘牌食燒鵝，或者再興食叉燒。（再興堅好食，同埋服務態度係上一代嗰種，敬業嗰啲快靚正）
Post
