越滿 (Closed)

今晚買左飛睇戲，但係放工後又餓鬼上身，落左車即刻同朋友去附近揾野醫肚。路過呢間越南餐廳，見到門口電子餐牌不停轉，菜式都好吸引，價錢合理，見咁啱有張吉枱，就試試佢啦。好肚餓，我地每人叫左一碗河粉，一款小食同埋share 一碟炒菜。春卷 $38啱啱炸起，新鮮好味。生菜洗得乾淨，春卷皮脆又足料，呢個價錢有兩條分四份算幾抵。庶蝦 $58好大份，遠睇以為係雞鎚，用料冇手軟，唔會好似有D店咁細size。可惜佢蝦味唔夠濃，扣左少少分，但條庶好鮮甜，新鮮料。馬拉盞椰菜 $50一來到已經聞到好香，夠辣夠惹味，大家都爭住要食。味道十分滿意，但係細碟左D，搶食係特別和味D。生熟牛肉湯河 $50 及 熟牛肉湯河 $48生熟牛肉湯河似是必叫的招牌菜，果然正喎。好大碗，多湯多粉多肉，牛肉是厚切的，D牛肉係多到舖滿曬河粉面，認真誇張。而且無論生熟牛肉都夠肉味，又夠腍。湯底夠清又夠味，唔油膩，好得，啱曬大食一族。老友唔食生牛肉，佢就只叫單併熟牛，平兩塊錢，同樣食得好滋味。青檸梳打 +$10 & 咸檸梳打 +$10跟餐飲品，我地叫梳打加十元。堅係成罐梳打俾你斟，由頭飲到尾，冇花冇假。上菜快，抵讚。唯獨張枱比較細，我地又