少爺18 (Closed)

因為公司少爺仔返咗嚟視察環境, 所以老闆要搵間坐得好好哋, 又唔多客既餐廳 (咁講好似有啲太衰, 不過係事實) ! 所以明知呢間餐廳啲飯硬到癲, 都要再度光顧! 我食蔥油豬扒 + 煎蛋飯, 同事食炸大雞肶 + 煎蛋飯, 再來一客肉骨茶! 豬扒幾好, 無乜鬆肉粉, 肉夠厚! 雞肶好大一隻, 炸得幾脆! 煎蛋有燶邊, 正! 只係飯一如以往超硬!  肉骨茶藥味濃, 排骨有三條, 肉質唔嚡, 好多豆腐卜及冬菇絲, 還不錯啊! 入口唔會太嗆味, 有驚喜! 註: 冷氣唔夠之餘勁曬係一個幾難處理嘅問題