小神燈新派飯館 (Closed)

星期日同屋企人一齊去飲茶，今次去咗屋企附近嘅一間新派飯館-小神燈我哋總共叫咗六樣點心，包括有燒賣、蝦餃、雪山叉燒包、牛肉球、XO醬炒蘿蔔糕和灌湯餃。燒賣同蝦餃內涵都非常飽滿，皮薄餡靚，肉質爽口彈牙。雪山叉燒包熱辣辣，叉燒餡好惹味，好食過一般嘅叉燒包。牛肉球肉味香濃，而且口感爽彈，配埋喼汁簡直一流。XO醬炒蘿蔔糕風味十足，蘿蔔糕煎得夠香脆，配埋XO醬炒夠哂惹味。灌湯餃係用上湯浸住一隻大肉餃，裏面嘅肉非常多，性價比勁高。呢到全部點心都係即叫即蒸，新鮮出爐，呢一樣係點心最基本而好重要嘅嘢，所以真係值得一讚。