會所1號 博藝會

Open Now

Now Closed

前兩日去黃埔睇醫生，順便去黃埔美食坊飲茶。一點黎到，有分上下兩層，因為有人包場所以要等位，等左十分鐘左右就入座。每次黎到，我都必叫依個特色腸粉，入面有蝦有啲紅蘿蔔再用油炸鬼同腸粉皮包住，熱辣辣好好食。難得黎到飲茶，點可以唔叫蝦餃同叉燒包，依到啲蝦餃皮簿餡靚，蒸得能唔會過龍，抵食。叉燒包唔算大個，但肉汁鮮甜多餡。前墨魚餅，好香口，但食落有小小酸味，唔知係咪有啲變左。鵪鶉蛋燒賣，依家唔係到到有得叫，估唔到咬落去有好多蝦肉有驚喜。依到食野價錢唔算平，如果入左會就有折扣，可以係集團其他食店一齊用。