京都大酒樓

Open Now

Now Closed

今日喺大埔呢間酒樓飲茶，4個人食咗7樣野，每人都係$11X，都幾抵，面而且食物質素同服務都唔錯。韭菜豬紅同埋鮑汁鳳爪係推車仔過嚟嘅，$48一份，味道唔錯，不過韭菜豬紅就有啲辣，如果唔食辣嘅就要留意。煎芋頭糕麻麻地，芋頭太大粒同埋冇乜香味。雞包仔唔錯，拎到嚟嘅時候仲係熱辣辣，包始終係熱嘅先好食。碟煎腸粉都幾大碟，煎得夠乾身又夠香。燒賣質素唔錯，啲肉有彈性。呢個龍仔蒸雞飯都大得幾誇張，雖然薄薄嘅一層飯但係都有差唔多八至九碗仔可以分到。$448埋單。