鷹巢

Open Now

Now Closed

假日請親戚飲茶，不想去平時去開啲連鎖酒樓，用Apps search到呢間係酒店的茶樓，覺得環境不錯，依傢透過 Apps book位仲可以有八折及賺Asia Miles，決定黎試下。一坐低，我哋當然點左飲茶必食點心，點心賣相精緻，味道都十分有水準。以下是我個人特別想分享的菜式：冬瓜上面配了什菌、竹苼，冬瓜及青菜吸哂啲汁，個汁很好味，清清地，不錯。侍應特別推介紹我哋照牌菜 - 叉燒皇配秘製蜜餞豆。厚切叉燒真係好嫩滑及Juice，同出面的燒味店好大分別。旁邊的秘製蜜餞豆親戚話好好味，但我不喜歡食豆，所以No comment.無飯落肚，對老人傢真係少左啲嘢，特別點左個蒸飯。飯軟硬適中，上面鋪了豬頸肉及蔥，肉汁流入飯裡面，味道很香，配合上面介紹的叉燒食剛剛好。甜品我哋叫了綠豆酥，綠豆蓉炸成酥，外面點綴了杏仁片，外脆內軟，口感特別。我哋見到隔離枱有人叫左楊枝甘露分子雪糕，現場即整，我都係第一次咁近睇分子料理，但真係很飽，唯有留番下一次再試。食物精緻，環境寧靜舒適，工作人員好細心，不時有人斟茶及換碟，最重要是親戚滿意，但價錢比其他連鎖酒樓貴咗少少，幸好Apps book 位有discount。