紫荊閣 (Closed)

同事們請食飯，約了大家到紅磡的新酒樓。舊區酒樓本來不抱大期望，一睇地址原來是在新開的精品酒店「逸酒店」的中茶廳。酒店中菜廳，令我地又有返一點期望，當天果然亦無令我地失望。一入酒店已經有人招呼我地上二樓，有點排場。入內見到環境光猛好舒服，屏風好靚，點點粉紅花，睇黎係「紫荊閣」名字的由來。食新餐廳又一種好處，食具菜具都係全新的。記得佢個茶都係好香好滑的。一行人點左滿滿的一桌點心，款款大家都讚是不錯，當中有幾款比較出色。比較大路又好食的有燒賣、蝦餃、牛肉球。鮮蝦菜苗餃係我最鍾意的一款。薄薄又軟滑的皮下，在彈牙鮮味的蝦肉外，仲有青白的菜苗。口感更爽一點，味道更鮮一點，感覺更健康一點。除左配搭得宜，值得一讚的是菜苗同蝦肉都十分新鮮。XO醬炒腸粉，腸粉滑滑的，XO醬味道濃厚，好惹味。椒鹽豆腐亦做得不錯，表面沾上的調味粉十分均勻，炸得香脆，裡面卻係熱辣辣、滑一滑。係我食過第二好食的椒鹽豆腐。福建炒飯簡單卻考功夫，呢度的大廚都做得好好食。飯底有炒香、材料足又新鮮、茨汁香濃。有點驚喜的是椰汁糕都比街外好食，甜而不膩！地址夠排場，裝修新淨夠大體；部長亦十分識做，招呼週到，又問我地野食滿唔滿意。整體食物質