Video
Read full review
2022-09-20
37 views
又係Monday chill 去趕走Monday blue, 約咗朋友去試尖沙咀佐敦附近的居酒屋。估唔到星期一晚餐廳都差唔多full house, 下次去要記得訂座。我地兩個女仔一入餐廳坐低，就急不及待叫酒飲。好開心見到menu 有細支的米酒，300ml一支兩份飲，啱啱好，唔太多唔太少。另外，因為唔係好識飲，所以好鐘意餐廳酒的餐單有詳細的介紹，自己口味自己㨂。我地叫咗仁井田自然酒，易入口之餘好有米香，帶點甜味，同餐單的介紹係一樣，所以我同朋友都好鐘意，覺得識㨂酒同㨂得好好。食物方面，就叫咗個胡麻菠菜蟹肉沙律做前菜，不同款式嘅串燒同海膽松葉蟹蓋甲羅燒。最後，食個甜品為晚餐做個總結。以居酒屋來說，食物價錢都算大眾化。胡麻菠菜蟹肉沙律 - 菠菜好爽口，蟹肉同胡麻醬的份量都好足，醬汁同食材配搭得夾。燒物方面，好好味的有荔枝豬肉卷、南非鮑魚、海膽松葉蟹蓋甲羅燒同羊架。其他的就係蔥雞、雞軟骨、雞皮紫蘇蝦肉卷，茄子同飯團。所有食物都燒得剛剛好，控制火候，唔會過熟同燒乾。荔枝豬肉卷 ($32) - 燒得脆脆的豬肉帶少少油香之餘，仲係好juicy有肉汁唔乾，包住荔枝一齊食，豬肉的鹹同荔枝的甜，呢個組合好
我地兩個女仔一入餐廳坐低，就急不及待叫酒飲。好開心見到menu 有細支的米酒，300ml一支兩份飲，啱啱好，唔太多唔太少。另外，因為唔係好識飲，所以好鐘意餐廳酒的餐單有詳細的介紹，自己口味自己㨂。我地叫咗仁井田自然酒，易入口之餘好有米香，帶點甜味，同餐單的介紹係一樣，所以我同朋友都好鐘意，覺得識㨂酒同㨂得好好。
仁井田 自然酒
2 views
0 likes
0 comments
食物方面，就叫咗個胡麻菠菜蟹肉沙律做前菜，不同款式嘅串燒同海膽松葉蟹蓋甲羅燒。最後，食個甜品為晚餐做個總結。以居酒屋來說，食物價錢都算大眾化。
胡麻菠菜蟹肉沙律 - 菠菜好爽口，蟹肉同胡麻醬的份量都好足，醬汁同食材配搭得夾。
胡麻菠菜蟹肉沙律
13 views
0 likes
0 comments
燒物方面，好好味的有荔枝豬肉卷、南非鮑魚、海膽松葉蟹蓋甲羅燒同羊架。其他的就係蔥雞、雞軟骨、雞皮紫蘇蝦肉卷，茄子同飯團。所有食物都燒得剛剛好，控制火候，唔會過熟同燒乾。
6 views
0 likes
0 comments
7 views
0 likes
0 comments
燒飯圑
7 views
0 likes
0 comments
荔枝豬肉卷 ($32) - 燒得脆脆的豬肉帶少少油香之餘，仲係好juicy有肉汁唔乾，包住荔枝一齊食，豬肉的鹹同荔枝的甜，呢個組合好夾好特別。
南非鮑魚 ($88) - 好難得見到係居酒屋見到燒鮑魚，所以必點。一隻鮑魚切開4份，方便share. 個鮑魚夠厚身，彈牙之餘好淋身，味道帶鮮甜，突顯新鮮食材，烹調得好好。
南非鮑魚
5 views
0 likes
0 comments
海膽松葉蟹蓋甲羅燒 ($128) - 重份量的甲羅燒，完全唔使慳住慳住揸餅乾食。第一次食甲羅燒，會大讚個餅乾，因為佢加咗d紫菜調味，將味道層次升級。呢個細緻位勁加分，餐廳對菜式的設計好細心。
海膽松葉蟹蓋甲羅燒
4 views
0 likes
0 comments
羊架 ($78) - 無論調味同火候控制都冇得輸。我地兩個人分一件，用匙羹就可以輕輕分開兩份，可想言之，個肉質非常嫩口，生熟程度剛剛好，好有肉汁。如果唔係想試多d不同的串燒，我地應該會一人一件，因為個羊架真的得高質。
最後一度菜係甜品，水信玄餅（$68)。其實係啫喱配黑糖醬，而個啫喱入面係有朵粉紅色嘅花花，打卡一流。
水信玄餅
6 views
0 likes
0 comments
Post
