Brown Restaurant and Bar (Closed)

係時代睇完戲慢慢行去呢間一早做左功課搵好既餐廳~~~目標: 心太軟+brownie諗左一輪, 點左....1) 煙三文魚凱撒沙律: 三文魚好大塊, 夠沙律醬, 唔錯~2) buffalo chicken wing: 食過咁多間, 呢間最好食!3) chicken burger: d 雞肉好鞋, 出奇地伴碟既薯角反而好好食!4) chocolate bomb cake: 果然係最正, waiter 都話呢個係最多人食~我都好唔怕醜咁話佢知, 我係為呢個而來的, 好彩酒味唔濃, 好juicy~5) brownie: 實到成塊磚咁, 朱古力味勁濃, 好食但好漏, 溝埋雪糕食先好d, 但要加錢加多球黎混埋黎食, 可惜盡晒力都食唔晒, 肚皮爆開咁滯.....埋單, $446, 唔明點解兩個甜品menu 寫$6x, 但bill 上面兩個都變成$70, 四寫五入?? 但走出餐廳睇番單先發現, 算.....不過係咪以為上面係三個人既份量呢?? 其實係兩個女仔囉....哈哈, 都值得來, 因為的確好食!