小肥牛火鍋活魚專門店 (Closed)

其實小肥牛開咗咁耐真係第一次去試，今次同屋企7個人慶祝生日就決定去食呢間啦！位置只係太子c2岀口一岀向上望已經搵到喇！路痴都搵到呀！服務員見你一坐低就會即刻俾火鍋既配料同點餐紙，有效率！我地叫咗四川麻辣鍋仲有豆腐清湯鍋！火鍋相信大家都食過唔少，今次特別介紹既有響玲，因為佢係即炸而且好大舊，同一隻手一樣大，放落火鍋好好食！仲有所有既份量都好多，真係俾幾多錢就有幾大份量！例如，豬紅（一夾唔會散），芋絲（好多粒）等等。。。講唔哂，但真係好岩一大班人黎食！有coupon，越食減得越多！最後仲有生果食添呀！一大班人火鍋推介：小肥牛