Video
Read full review
2018-08-08
331 views
不嬲鐘意食辣既我地，見到有麻辣粥仲唔走去試？平時食粥少去海皇粥店，今次就試下啦！點左麻辣豬膶肉丸粥中辣，我地叫左兩碗就各送一款小食，於是加個齋腸粉和+$5 upgrade去麻辣叉燒炒麵，再外加一個個XO醬煎蘿蔔糕，唔怕唔飽啦？先上左個齋腸粉和蘿蔔糕，腸粉雖浸響豉油到但未至於勁鹹，腸粉好滑，豉油鹹甜適中，我加埋甜醬辣醬食真係食唔停口。(肥死啦!!)XO醬蘿蔔糕就似蒸多過煎，一夾就散，但都食到一條條蘿蔔既，只係個XO醬只得死鹹，比較一般。終於黎主角，第一啖食落似係打邊爐既麻辣湯煮一樣，我開頭以為自己會遇到劣食，但食落又不差喎，唔太有想像中既違和感。個豬膶同肉丸就正正常常，冇咩特別。不過我越食越驚，因為諗到真係好似飲麻辣湯既感覺，即刻覺得碗粥😍超高鈉！所以最後都唔敢食哂...最後黎埋個麻辣叉燒炒麵，鹹到一個點！我食得鹹都覺得頂唔到，食到啲醬明顯都未炒開，食兩啖就放棄了....呢類食物我都係當獵奇經驗，一次就夠了~
點左麻辣豬膶肉丸粥中辣，我地叫左兩碗就各送一款小食，於是加個齋腸粉和+$5 upgrade去麻辣叉燒炒麵，再外加一個個XO醬煎蘿蔔糕，唔怕唔飽啦？
齋腸粉
31 views
0 likes
0 comments
先上左個齋腸粉和蘿蔔糕，腸粉雖浸響豉油到但未至於勁鹹，腸粉好滑，豉油鹹甜適中，我加埋甜醬辣醬食真係食唔停口。(肥死啦!!)
XO醬煎蘿蔔糕
23 views
0 likes
0 comments
XO醬蘿蔔糕就似蒸多過煎，一夾就散，但都食到一條條蘿蔔既，只係個XO醬只得死鹹，比較一般。
麻辣豬膶肉丸粥中辣
22 views
0 likes
0 comments
終於黎主角，第一啖食落似係打邊爐既麻辣湯煮一樣，我開頭以為自己會遇到劣食，但食落又不差喎，唔太有想像中既違和感。個豬膶同肉丸就正正常常，冇咩特別。不過我越食越驚，因為諗到真係好似飲麻辣湯既感覺，即刻覺得碗粥😍超高鈉！所以最後都唔敢食哂...
麻辣叉燒炒麵中辣
33 views
0 likes
0 comments
最後黎埋個麻辣叉燒炒麵，鹹到一個點！我食得鹹都覺得頂唔到，食到啲醬明顯都未炒開，食兩啖就放棄了....
呢類食物我都係當獵奇經驗，一次就夠了~
Post
