耆素銀杏館 (Moved) New Location

未食過全素餐，今日(22/5)就去左試！今晚唔係好多人，所以坐落好舒服，唔會好逼。 員工大部分都係老人家，「耆素」呢個名改得真貼切。 服務都好好。一坐低，就好貼心咁放低左個湯比我地。食到中途亦都有問我地要唔要添湯。素湯無味精，飲完唔會口渴，清得黎又甜。 今次就要左個貴啲但多啲款式嘅餐，諗住第一次就試下平時唔會主動買嘅「未來肉」，即係用植物元素整出黎嘅仿肉。耆素雜扒餐 $ 238呢個係「耆素雜扒餐」。入面有好多款仿肉，仲有我好鍾意食嘅秋葵！ 講左秋葵先，應該有處理過，無左啲滑潺潺嘅黏液。唔鍾意呢啲黏液嘅朋友都可以試下。有個合桃醬可以點黎食，甜甜地唔錯。 旁邊嘅沙律菜同薯條都好新鮮。而且個薯條唔係空氣薯條，食落好實在，炸得又啱啱好。 佢地嘅蔬菜都係自家農場種出黎，全部都係有機嘅，呢個位就加唔少分。 香草未來牛肉腸中間係香草未來牛肉腸，口感會比一般嘅珍寶腸彈牙，有較重嘅香草味同大豆味。 另外有塊仿牛肉漢堡，口感同個腸差不多。但佢嘅大豆味會再重啲，個人覺得一般。 純素芝士吉列豚肉扒最後要講埋個吉列豬扒。佢嘅口感好似仿炸帶子，我好鍾意食！上面塊素芝士比平時嘅芝士挺身，但味道好相似，好搭個素豬扒。