靖壽司

Open Now

Now Closed

平時朋友要湊小朋友真係好難約到佢難得星期六約到就拉佢去試下我好想試嘅餐廳衝到過去竟然冇開門...係同一大廈望下有咩食就見到呢間日本餐廳望落都可以咁就試下啦揀左天婦羅餐配鵝油撈飯跟餐有三件壽司同甜品朋友要左天婦羅跟鵝油撈烏冬另一位朋友就揀左燒雞扒烏冬跟餐有手卷天婦羅炸得好好唔會油淋淋, 南瓜同蕃薯都好粉鵝油撈飯面頭放上炸乾蔥同蔥令到成件事更惹味朋友話個烏冬好滑~我深信應該好好食因為我朋友個女食完一啖之後就好乖咁坐定定食哂成餐飯XD小朋友係唔會呃人嘅跟餐附送嘅壽司同手卷都唔係隨便魚刺身夠厚, 壽司飯唔會太大我食左兩件先記得要影相好食到忍唔住展露左幸福嘅笑容然而大肚中嘅朋友只能表示羨慕