霸嗎拉麵 (Moved) New Location

第1次黎呢間野，就食經典既口味啦！灸燒豚肉海苔味玉拉麵($98)，一黎既聞到濃濃既湯底，飲一啖飲到相當濃既豬骨湯，油份亦岩岩好！然後再食啖麵，麵有掛起濃濃既湯底，但麵條就過於淋左少少，1號比較中意硬身少少既麵，唔知落單果時係咪可以要求架呢？下次可以試下，但由於吸收左湯底既濃豬骨味，所以味道又唔會話太差。之後就梗係要趁岩岩黎到食埋隻溏心蛋，見佢表面既顏色都睇得出係入味既，食落去果然唔差，但可以再熟多少少，豚肉肥瘦分佈夠平均，整體味道都ok，但呢個價錢食就真係覺得唔係好抵。