快加好快餐廳 (Closed)

上年黎到葵涌區工作，開頭每一個中午都會叫外賣，而叫得最多既，就係依間快加好~因為係正公司樓下，預二十至三十分鐘，佢會好準時出現係我面前。其實講食物質素，佢唔算差，中規中矩，份量仲唔少！不過係我由九月直到目前依半年入面，快加好先後加價三次，實在令人難以接受，不過，依個都唔係我唔幫襯既原因，反而係服務態度上係不能接受！依間快加好餐廳，附有麵包小店，因為屋企樓下冇小店，所以每次都係黎依度買麵包，每一日，都見到一個面色黑黑地既阿姐收銀，平時感覺都已經唔太好，有時會買埋佢地既包裝飲品，客人可以拎既只有凍，要唔凍，就要要求佢幫忙拎拎，叫佢拎，一貫黑面作風，有時叫佢拎麥精，佢拎包維他奶你，聽錯左??我兩樣都飲，俾錯我我都唔出聲，直到第二次、第三次...我出聲了！"我想要既係麥精..."但佢回答一句: 冇麥精！但我眼見櫥櫃放著一大PACK既麥精，佢竟然話冇，又三番四次故意拎維他奶俾我，卻完全當冇一回事......如果佢個櫥櫃係對外既，我自己拎有乜所謂，即使佢工作再忙，黑口黑面當佢正常，但我都冇必要每一日都俾錢買難受吧！最兩個月都開始改為帶飯，早餐都改去第間買，至少人地忙得黎，都仲有笑容對住你、主動幫助