Video
Read full review
2010-12-11
21 views
每次走到中環，經過租庇利街，我必定唔會行中環街市果邊；因為白鴒經常聚集於中環街市，我驚行過時會中招！ 通常我行近中環中心果邊。由德輔道中轉入，沿途，見到翠華，再行前啲就會見到金華燒臘麵家；門口紅色配金色，十分搶眼！入到去，舖頭細細，坐得擠迫！空間感不足！ 坐卡位比較舒服啲，可惜唔多！只有星期六容易搵到卡位坐。店內古式裝修，極為吸引我嘅視線！掛燈上有如意結，另一款有趣嘅掛燈，令我想起降落傘！ 只要留意每個細節位，可發現好多新奇有趣事物！ 連卡位椅上都唔放過，有四字成語來儆醒食客一些人生道理！除咗燒臘之外，仲有粉麵；分開為兩個廚房。起初，我打算食雲吞河 $28，但係店名金華燒臘麵家，當然要試吓燒臘啦！見到餐牌中有：金華金牌叉燒；所以我即時轉軚！叉燒河 $38一會兒，店員將碗河粉放喺我面前。以呢個價錢，俾番同等份量嘅叉燒，有 10 塊之多，十分慷慨！ 我無要求叉燒肥定瘦，算係半肥瘦叉燒；感覺上呢度嘅叉燒面比較紅一點！睇上嚟顏色鮮明，配合翠綠菜芯，火紅火綠！賣相相當吸引！ 稱得上金牌叉燒，相信唔會太差！些少肥肉混合之下，叉燒肉食落肉質嫩滑，鮮美多汁！菜芯夠新鮮，不但食落夠腍，仍保持翠綠！加埋蔥
入到去，舖頭細細，坐得擠迫！空間感不足！ 坐卡位比較舒服啲，可惜唔多！只有星期六容易搵到卡位坐。店內古式裝修，極為吸引我嘅視線！掛燈上有如意結，另一款有趣嘅掛燈，令我想起降落傘！ 只要留意每個細節位，可發現好多新奇有趣事物！ 連卡位椅上都唔放過，有四字成語來儆醒食客一些人生道理！
除咗燒臘之外，仲有粉麵；分開為兩個廚房。
起初，我打算食雲吞河 $28，但係店名金華燒臘麵家，當然要試吓燒臘啦！見到餐牌中有：金華金牌叉燒；所以我即時轉軚！
叉燒河 $38
一會兒，店員將碗河粉放喺我面前。以呢個價錢，俾番同等份量嘅叉燒，有 10 塊之多，十分慷慨！ 我無要求叉燒肥定瘦，算係半肥瘦叉燒；感覺上呢度嘅叉燒面比較紅一點！睇上嚟顏色鮮明，配合翠綠菜芯，火紅火綠！賣相相當吸引！ 稱得上金牌叉燒，相信唔會太差！些少肥肉混合之下，叉燒肉食落肉質嫩滑，鮮美多汁！菜芯夠新鮮，不但食落夠腍，仍保持翠綠！加埋蔥粒，可散發香味！至於湯底，係無味精，以肉類肴製湯底，肴上3個鐘，每日如是，真正嘅老火湯。 河粉係雪白軟滑，幼身，唔會夾兩夾就斷，份量唔少，夠飽肚！
期間，我無為意隔離枱正是某電視頻道訪問老闆，只見佢哋好好傾，仲聽到些少資料！
金華老闆係一位白頭髮嘅伯伯，佢得閒會嚟睇舖。
經營之道：最緊要待客好，保持食物水準，食客會記得呢度食物嘅味道而再幫襯。
期待農曆新年後，可以睇到電視播放！
Post
