Video
Read full review
2014-09-27
648 views
久唔久都有聽到朋友講起「茶木Teawood」，但自己就從未幫襯過，直到黃埔開咗分店，終有機會一試。夜晚Set Dinner算幾抵食，任揀一款小菜，配白飯，一杯飲品及一件蛋糕。食咗:1) 地瓜燉牛腩：蕃薯炸過，香甜好味，牛腩肉質鬆軟好味，可惜個汁好油。有蠟燭座住，食到尾都仲熱。2) 三杯雞：味道冇乜特別，同一般炆雞差唔多，不過不失。一樣有蠟燭座住，食到尾都仲熱。3) 牛肉麵：麵好似啲刀切麵咁，薄薄地，麵質唔錯，幾好味，牛肉大大舊，鬆軟但唔會淋撻撻，好似啲豬軟骨咁，有啲軟根喺入面，好食，紅蘿蔔及白蘿蔔都幾入味。4) 地瓜墨魚餅：質地其實唔錯，但超咸，唔好食。5) 藍莓吐司：3層吐司，內裡吐司切粒，幾脆口，配藍莓，士多啤梨，雪糕及忌廉，幾好食，連脆口嘅麵包皮都全部食哂。6) 紅豆綠茶Latte：超濃郁綠茶味，感覺好溶，偏甜，但都唔錯。7) 珍珠奶茶：同一般珍珠奶茶有啲唔同，茶味濃啲啲，但唔太甜，ok好飲。8) 愛爾蘭咖啡：好似有啲啲酒嘅味道，偏甜，溝咗少少冰水好好多，咖啡味夠，幾好飲。合桃班尼蛋糕及小茶木劇院蛋糕：由於食唔哂，所以外賣拎走咗，隔咗日先食，都仲幾好味，抵讚！整體食物質素唔錯，店
夜晚Set Dinner算幾抵食，任揀一款小菜，配白飯，一杯飲品及一件蛋糕。
食咗:
1) 地瓜燉牛腩：蕃薯炸過，香甜好味，牛腩肉質鬆軟好味，可惜個汁好油。有蠟燭座住，食到尾都仲熱。
2) 三杯雞：味道冇乜特別，同一般炆雞差唔多，不過不失。一樣有蠟燭座住，食到尾都仲熱。
3) 牛肉麵：麵好似啲刀切麵咁，薄薄地，麵質唔錯，幾好味，牛肉大大舊，鬆軟但唔會淋撻撻，好似啲豬軟骨咁，有啲軟根喺入面，好食，紅蘿蔔及白蘿蔔都幾入味。
4) 地瓜墨魚餅：質地其實唔錯，但超咸，唔好食。
5) 藍莓吐司：3層吐司，內裡吐司切粒，幾脆口，配藍莓，士多啤梨，雪糕及忌廉，幾好食，連脆口嘅麵包皮都全部食哂。
6) 紅豆綠茶Latte：超濃郁綠茶味，感覺好溶，偏甜，但都唔錯。
7) 珍珠奶茶：同一般珍珠奶茶有啲唔同，茶味濃啲啲，但唔太甜，ok好飲。
8) 愛爾蘭咖啡：好似有啲啲酒嘅味道，偏甜，溝咗少少冰水好好多，咖啡味夠，幾好飲。
合桃班尼蛋糕及小茶木劇院蛋糕：由於食唔哂，所以外賣拎走咗，隔咗日先食，都仲幾好味，抵讚！
整體食物質素唔錯，店員服務好，又有禮，有機會定會再去。
Post
